صحافی کا قتل یا قلم کا سر قلم

صبع صبع صحافی ارشد شریف کے قتل کی بری خبر نے کئی سانحات کی یاد دہبارہ تازہ کر دی صانحہ ماڈل ٹاؤ ن میں گولیاں کھاتے عورتیں اوربزرگ سانحہ ساہیوال میں سہمے بچے اور دہشت کی علامت بنے درندے پھر سانحہ اے پی ایس کو کو ن بھول سکتا ہے خون میں لتھڑی کتابیں اور پھول اور خواب اور اب مقتول صحافی کے درد اور یاس کی تصویر بنے بچے۔سانحات کے بعد مزمتوں تردیدوں اور دلجوئیوں کے سوا ہمیں آتا بھی کیا ہے ؟مہذب ملکوں میں بھی ایسے سانحات ہو جاتے ہیں لیکن پھر ایسی پیش بندی کی جاتی ہے کہ دوبارہ اس سے ملتا جلتا واقعہ نہیں ہوتا ہمارے ہاں تو تسلسل کے ساتھ واقعات بلکہ سانحات اور مسلسل بے حسی کی تاریخ طویل ہوتی جا رئی ہے بلا شبہ صحافی کا قتل نہروبی میں ہوا ہے لیکن کیا یہ کم ہے کہ ملک عزیز صحافیوں کیلیے بدترین ممالک کی لسٹ میں ہے اور یہ بات کوئی ڈھکی چھپی نہیں کہ بوجوہ ارشد شریف کو ملک چھوڑنا پڑا تھا انوسٹیگیٹو جرنلسٹ کیلیے زندگی کبھی بھی پھولوں کی سیج نہیں ہوتی لیکن ایسی بھی کیا۔۔ تحقیقات سے پہلے کچھ بھی کہنا مناسب نہیں لیکن اس سانحے سے ہمیں سیکھنا پڑے گا یہ ایک زندگی کا مسلہ نہیں مسلسل اچھے دماغ بیرون ملک اپنے مستقبل کی فکر لیے رخت سفر باندھنے کو ہیں دیگر ممالک پاکستان کے پوٹینشل کو بروئے کار لا کر اپنی ترقی کا سامان کر سکتے ہیں تو ھم کیوں نہیں ضرورت اس امر کی ہے کہ لوگوں کی جان ومال کی امان کی ضمانت دی جائے کسی کی سوچ سے اختلاف کا مطلب کسی کی زندگی سے کھیلنا کبھی بھی نہیں ہو سکتا ایسے میں دکھی خاندان کے ساتھ ہمدردی کے دو بول کافی نہیں ہماری حکومت ہمارا معاشرہ اپنی انا اپنی ایگو کے بت کو توڑ کر ہر پہلو سے شفاف تحقیقات کو نہ کہ یقینی بنائے بلکہ ملزمان کو قرار واقعی سزا دلوا کر اپنی ذمہ داری کو پوراکرے