تاریخ کا بدلہ

ہم بھی بھلکڑوں کی طرح واقعات کو بھولتے جاتے ہیں اور اگلے دن کا سفر شروع کر دیتے ہیں ۔آپ قومی سانحات کی طویل فہرست کا مطالحہ کریں تمام ہاہی پروفائل کیسز کے شوائد متانے سے لیکر ان کی تفتیش تک کے تمام مراحل تنازعات کا شکار ہو جاتے ہیں یا کر دیے جاتے ہیں۔ یہ قومی بد نصیبی ہی نہیں ہماری قومی بے حسی کا بھی عکاس ہے آپ حالیہ واقعات کو ہی لے لیں اپوزیشن اور حکومت دونوں ایک دوسرے پر ملبہ ڈالنے کی سر توڑ کوشش کر رہی ہیں ۔ممکن ہے اس کا فائدہ ان طاقتوں کو ہو جن کا کام ملک کی بنیادوں کو ہلانا ہو ۔
خان صاحب کے کیس میں تو کوئی بھی یہ نہیں کہہ سکتا کہ جو ہوا صحیح ہوا ۔لیکن جس طرح اس کا مذاق اڑایا گیا قابلِ افسوس ہے ۔اسی طرح خان صاحب بھی شاید غیر ضروری لوگوں کے نام، ایف آئی آر،میں درج کر کے سیاسی فائدہ حاصل کرنا چاہتے ہیں کبھی کبھی زندگی سے زیادہ سیاست اہم ہو جاتی ہے اسی طرح پولیس کا یہ کہنا بھی مضحکہ خیز ہے کہ ایف آئی آر وہ اپنی مرضی سے کاٹے گی گویا اس شخص کی کوئی اہمیت نہیں جس پر حملہ کیا گیا کل کو پولیس یہ بھی کہے گی گواہ بھی اس کی مرضی کے ہوں گے ۔سانحہ ماڈل ٹاون جس کے اوپر سیاست کر کے عمران خان عنان اقتدار پر براجمان ہوئے تھے پھر اس کو فراموش کر کے خان صاحب نے اپنے اوپر حملہ کا رستہ خود ہی ہموار کر دیا ۔اسی طرح ویڈیو لیکز پر تحریک انصف کے اپنے ہی گلے کی ہڈی بنتا جا رہا ہے اعظم سواتی صاحب کے ساتھ جو کچھ ہو رہا ہے وہ قابل مذمت اور شرمناک ہے مگر اسکا رستہ ہموار بھی پی ٹی آئی نے خود ہی کیا ۔ہمارا قومی مزاج اس طرح کابن گیا ہےکہ دوسرے گھر میں لگی آگ پر جشن پھر اس آگ کو گھر کا رستہ دکھا کر خوابِ خرگوش کے مزے لینے لگتے ہیں ایسے میں حکومت کی ذمہ داریاں مذید بڑھ جاتی ہیں کہ وہ ٹمپریچرکوٹھنڈا رکھے ورنہ لاوہ پکنے کو ہے سانحات ہوتے دیر نہیں لگتی کل کو حالات کس .رخ چل پڑیں شاید کسی کا بھی اختیار نہ رہے.