بلدیاتی الیکشن تیسرا مرحلہ

 بلدیاتی الیکشن تیسرا مرحلہ 

آزاد کشمیر کے بلدیاتی الیکشن کا تیسرا مرحلہ تین اضلاع بھمبر کوٹلی اور میرپور پر مشتمل میرپور ڈویژن میں انتخانات کے ساتھ ہی مکمل ہو جائے گا ؛

1. کوٹلی ۔جہاں تک کوٹلی کا تعلق ہے اس ضلع میں رجسٹرد ووٹرز کی تعداد 563016ہے اور کل پولنگ سٹیشنز کی تعداد 1026 ہے روایتی طور پر کوٹلی کو مسلم لیگ ن کا گڑھ سمجھا جاتا ہے لیکن الیکشن کے نتائج سے کچھ بعید نہیں کہ یہاں بھی آزاد امیدواربڑی تعداد میں میدان مار لیں بہرھال اس کا فیصلہ تو پولنگ کے بعد ہی ہو پائے گا لیکن یہ بات طے ہے کہ مقامی حکومتوں کے قیام کا ٹرینڈ کوٹلی سے ہی سیٹ ہو گا ۔
2. میرپور جہاں تک میرپور کا تعلق ہے اس ضلع میں رجسٹرڈ ووٹرز کی تعداد 366043ہے کل پولنگ سٹیژنز کی تعداد625ہے صدر آزادکشمیر جناب بیرسٹر سلطان محمود چودھری کا آبائی ضلع ہونے کی وجہ سے اس ضلع کی اہمیت بہت زیادہ ہے اگر پی ٹی آئی یہاں سے کامیاب نہ ہو سکی تو اسے سبکی کا سامنا کرنا پڑے گا لیکن یہ دیکھنا ابھی باقی ہے اور دلچسپ بھی کیوں کہ روایتی طور پر میرپور پی پی کا گڑھ رہا ہے ۔
3. بھمبر جہاں تک بھمر کا تعلق ہے اس ضلع میں رجسٹرڈ ووٹرز کی تعداد303020ہےاور کل پولنگ سٹیشنز کی تعداد 538 ہے یہاں پر پی ٹی آئی کو مظبوط تصور کیا جا سکتا ہے لیکن پی ٹی آئی کے ساتھ سب سے بڑی ٹریجڈی یہ ہوئی کہ اس کے پورے کشمیر میں ٹکٹ کے امیدوار زیادہ تھے اور سب سے زیادہ ناراضگیاں بھی اسی جماعت نے سمیٹی ہیں ،اور سب سے زیادہ آزاد امیدوار بھی اسی جماعت کے ناراض لوگوں پر مشتمل ہے اس لیے کچھ بھی کہنا قبل از وقت ہو گا ،

• جہاں تک لااینڈآرڈرکا تعلق ہے پولیس کی معقول نفری کو تعینات کیا گیا ہے کل نفری 10500ڈیوٹی پر مامور کی گئی ہے جس میں آزاد کشمیر پولیس کے 4400 جوان پنجاب پولیس کے 1910 فرنٹیر پولیس کے 3000اور پاکستان رینجرز کے 1200اہلکار الیکشن ڈیوٹی پر مامور رہیں گے 874 پولنگ سٹیشنز کو حساس 803 کو حساس درجہ دوئم اور 512 پولنگ سٹیشنز کو نارمل قرار دیا گیا ہے