ُپی ٹی آئی نے اسمبلیاں توڑ دیں ؟

پاکستان کی سیاسی اور معاشی صورت حال؛

پاکستان اس وقت تاریخ کے بد ترین دور سے گزر رہا ہے ،تحریک انصاف کی جانب سے پاکستان کے ڈیفالٹ کرنے کی باتیں اب تواتر سے کی جا رہی ہیں لیکن تجزیہ نگاروں کے مطابق فی الحال ایسا کوئی خطرہ درپیش نہیں ،

پاکستان کے مختلف طبقوں میں یہ بحث بھی کی جا رہی ہے کہ سیاسی عدم استحکام کی وجہ سے معاشی عدم استعکام کا سامنا ہے یا معاشی عدم استعکام کی وجہ سے سیاسی عدم استعکام نے جنمم لیا ہے ۔وجہ کوئی بھی ہو عام آدمی کی زندگی اجیرن ہو کر رہ گئی ہے ،بہت سے لوگ خط غربت سے نیچے جا چکے ہیں اور بہت سے اس فہرست میں اپنا نام درج کروانے کو ہیں ،بین الاقوامی قرضہ جات کا حجم اس قدر بڑھ گیا ہے کہ جی ڈی پی کا ایک بڑا حصہ قرضوں کی اقساط اور سود کی مد میں چلا جاتا ہے۔

ہر آنے والی جماعت دوسری جماعت کو قرضے لینے کا الزام دیتی ہے لیکن حقیقت میں تمام جماعتیں آئی ایم ایف کے پاس جاتی ہیں ایک اور الزام جو ہر جماعت دوسری جماعت کو دیتی ہے وہ ہے خزانہ خالی ہونے کا اگر آج تحریک انصاف اقتدار میں آ جائے تو اس کا سارا زور اس بات پر ہو گا کہ جانے والی حکومت نے ملک کا دیوالیہ نکال دیا ہے اگر زیادہ دیر ہو جاتی تو نجانے کیا ہو جاتا جیسا کہ موجودہ حکومت کر رہی ہے ایک اور بری روایت جو کہ پاکستان میں ہے وہ ہے جاری منصوبہ جات کو روکنا یا سرے سے ہی ختم کر دیا جانا تا کہ اس کا کسی قسم کا سیاسی فائدہ جانے والی حکومت کو نہ ہو پائے کئی ایسے منصوبہ جات جن پر کروڑوں کے اخراجات ہو چکے ہوتے ہیں ان کو بند کرنے سے قومی خزانے کو اپنی انا کی تسکین کی خاطر نقصان پہنچایا جاتا ہے .

پاکستان کے مختلف علاقوں میں تحریک انصاف کی جانب سے ریلیوں کا انعقاد کیا جا رہا ہے تاکہ جلد از جلد انتخابات کو ممکن بنایا جائے عنان اقتدار کے جانے کے بعد تحریک انصاف نے پاکستان میں عام انتخابات کی بھرپور کمپین چلائی لیکن خان صاحب پر ہوئے  قاتلانہ حملہ اور حکومت کی جانب سے احتجاج کو روکنے کی ہر ممکن کوشش کے بعد اھتجاجی تحریک ناکامی سے دوچار ہو گئی لیکن خان صاحب نے اس ناکامی کو کامیابی میں بدلنے کے لیے پنجاب اور کے پی کی اسمبلیوں کی تحلیل کے اعلان نے ایک بار تو حکومتی خیمے میں کھلبلی مچائی لیکن تحریک انصاف کی تاخیر نے لگتا ہے اس اقدام کی افادیت کو کم کر دیا ہے جس کے متبادل کے طور پر تحریک انصاف اب شہر شہر اعتجاج کی پالیسی پر عمل پیرا ہے جس سے حکومتی خیمے میں تو شاید کوئی ہڑبڑاہٹ نہ ہو لیکن ملک تیزی سے انارکی اور غیر یقینی صورت حال کی جانب گامزن ہے یہ صورت حال عمران خان صاحب کو سوٹ کرتی ہے ۔

اگلے الیکشن میں کون جیتے گا اور کون ہارے گا اس کا فیصلہ تو آنے والا وقت ہی کرے گا لیکن جس طرح تحریک انصاف حکومت پر دباو بڑھا رہی ہے بہت ممکن ہے کہ قبل از وقت الیکشن ہو جائیں اور بہت ممکن ہے کہ اپوزیشن اپنے گول بھی اچیو کر لے لیکن ایک ایسی صورت حال میں جبکہ ملک کا دیوالیہ نکل چکا ہو گا کون سنبھال پائے گا ،کیا تحریک انصاف اس چیلنج کا سامنا کر پائے گی ،کیا تحریک انصاف کی حکومت کو اپوزیشن سنبھلنے کا موقع دے گی کیا عوام اس انتہائی حالات کا سامنا کر پائیں گے ؟اس بات میں تو شاید اب کسی شک و شبہہ کی کوئی گنجائش نہیں کہ ہاتھیوں کی اس لڑائی میں عوام کا بری طرح پسنا لکھ دیا گیا ہے تا وقتیکہ کوئی ایسا انقلاب نہ آ جائے جو سب کچھ خس و خشاک کی طرح بہا لے جائے