likes ,follow ,comment share.

 سوشل میڈیا اور ہماری ذمہ داریاں ۔

8اکتوبر 2005 کادن پاکستان بطور خاص کشمیر کی تاریخ میں ایک تباہ کن دن کے طور پر یاد رکھا جائے گا ۔اس وقت پاکستان میں جنرل (ریٹائرڈ) مشرف کی حکومت تھی ۔ہولناک زلزلہ سے دھرتی الٹ پلٹ ہو گئی اور لاکھوں انسانی جانیں ضائع ہو گئیں !

اس وقت کشمیر میں کمیونیکیشن کا نظام سرے سے موجود ہی نہ تھا ،اگر کوئی تھوڑا بہت نظام تھا بھی تو وہ سرکاری دفاتر تک محدود تھا ،سو بہت سی قیمتی جانیں محض اس لیے ضائع ہو گئیں کہ ان تک بروقت مدد نہ پہنچ سکی ،بہت سے لوگ ملبے تلے گھنٹوں دبے رہے اور مدد مدد پکارتے رہے لیکن ان کی آواز کسی تک نہ پہنچ سکی .ممکن ہے اس وقت کمیونیکیشن کا کوئی نظام ہوتا بھی لیکن اس قیامت خیز زلزلے میں بے کار ہو جاتا یا زمیں بوس ہو جاتا ،لیکن جنرل مشرف کے ذہن میں اس بات کا اثر بہت گہرا ہوا کہ اگر کمیونیکیشن کا  نظام ہوتا تو شاید بہت سی انسانی زندگیاں بچائی جا سکتی تھیں یا ایسے دور دراز علاقے جہاں امداد بروقت نہ پہنچ سکی کیوں کہ ان کا علم بہت دیر سے ہوا ایسی صورت حال کا سامنا نہ کرنا پڑتا ۔

جنرل مشرف نے دنیا بھر کی کمپنیوں کو اس شعبہ میؐں سرمایہ کاری کی دعوت دی یوں پاکستان کے کونے کونے میں ٹیلی کمیونیکیشن کمپنیوں نے اپنے ٹاورز لگا کر تقریباۤۤ پورے پاکستان کو موبائل کی سہولت سے مستفید کر دیا ،اگر اآپ اولین دنوں کی بات کریں تو اس وقت جو موبائل 90 ٪ آبادی کے پاس تھے وہ ان فیچرز کے ساتھ تھے 1  گھڑی 2   کیلکولیٹر 3  ٹارچ  4  شارٹ میسجز سروس 5  کال سو ان سہولیات کو عوام نے غنیمت جانتے ہوئے ان کا بھر پور استعمال کیا ،دیکھتےہی دیکھتے ہر ہاتھ میں موبائل آگیا اور یوں دل بہلانے کا ایک بہانہ مل گیا ۔

رفتہ رفتہ عام موبائل کی جگہ سمارٹ فونز نے لے لی سمارٹ فونز میں گھڑی ٹارچ  ایس ایم ایس کالنگ کے ساتھ بہت سے فیچرز کا اٖضافہ ہو گیا انٹرنیٹ براوزنگ سوشل میڈیا ای میل لائیو ویڈیو سروسز چیٹ اور اس طرح کی بہت سی ان گنت سہولیات جن کو نوجوان نسل نے دونوں ہاتھوں سے قبول کیا مرد و عورت کی تفریق کے بغیر انٹرنیٹ یکساں مواقع فراہم کرتے ہوئے ہر کسی کی دلچسپی کا سامان مہیا کر دیا ہے ،جس   کے درست یا غلط استعمال کی ذمہ داری کلی طور پر یوزر کی اپنی ہے سوشل میڈیا پلیٹ فارم کو استعمال کرتے ہوئے آپ پوری دنیا میں اپنے دوست بنا سکتے ہیں ،آپ پوری دنیا میں اپنی پراڈکٹ کی تشہیر کر سکتے ہیں اور تو اور آپ دوسروں کی پراڈکٹس کی تشہیر کر کے بھی پیسہ کما سکتے ہیں ،لیکن ہمارے ہاں سوشل میڈیا کو مادر پدر آزادی کے ٹول کے طور پر استعمال کا رجعان دیکھا جا رہا ہے جس سے بچنا چائیے اسی طرح بطور ایک اسلامی معاشرہ ہمیں ایک لائن ڈرا کرنی چاہیے جس سے آگے جانا غلط تصور ہو سپیشلی ہماری بچیوں کو اپنے گرد ایک لائن ڈرا کرنا ہو گی کوئی کتنا ہی مخلص کیوں نہ ہو ایک حد سے آگے آنے سے اسے روکنا ہو گا پیسے صرف ویڈیوز سے نہیں کمائے جاتے اور بھی ایسے پلیٹ فارم ہیں جن پر نہ صرٖ آپ پیسہ کما سکتے ہو بلکہ اپنی شناخت کو بھی برقرار رکھ سکتے ہو ہمیں یہ سوچنا ہو گا کہ زیادہ لائک زیادہ کمنٹ زیادہ شئیر کے چکر میں ہم اپنی اقدار سے اتنے دور نہ چلے جائیں کہ واپسی کا کئی رستہ ہی نہ بچے ؟